Na estrada Cangas-Bueu, no alto da Portela colleremos a pista á dereita á Carballeira de Coiro. Os saltos máis grandes vense seguindo o curso do río por debaixo da pista e chégase a eles por un sendeiro de forte pendente. Tamén se pode chegar  desde Coiro. O acceso non está sinalizado. Esta fervenza atópase no río Bouzós, que no seu curso alto atravesa a carballeira de Coiro nunha sucesión de rápidos, fervenzas e tobogáns. A caída máis alta ten uns 6 metros.