Dende a parte posterior da Urbanización Os Verxeles, no concello de Teo, tomaremos a pista asfaltada que baixa a unha ponte de madeira, atravesarémola e seguiremos un pequeno sendeiro que vai paralelo ao río ata o lugar onde está a fervenza. O acceso non está sinalizado. Trátase dunha pequena caída no río Tella ao seu paso polos Verxeles, entre dous muíños da aldea da Hermida e preto da confluencia co rego da Auga (tamén chamado rego de Portoameneiro ou da Ribeira).