Desde a Estación de Vixiancia Aérea (EVA 10), no concello de Boiro, a uns 500 m seguiremos a estrada que pasa pola fervenza de Cadarnoxo. Despois de pasar esta fervenza, seguiremos pola pista asfaltada e logo de que esta se incorpore á estrada que ven de Cures, pasaremos a ponte que cruza o río e á dereita tomaremos a pista asfaltada. Deixaremos o coche aquí e empezaremos a subir pola pista, que termina a carón dun pequeno muíño e dunha toma de auga. Aquí xa podemos ver a primeira das fervenzas. O acceso non está sinalizado. Atopámolas no rego da Graña. Son varios saltos de auga alternados con pozas, de ahí o outro nome que reciben, pozas ou pozos de Cures.