Para achegarnos a estas fervenzas debemos coller a estrada AC-101 que vai das Pontes de García Rodríguez a Ortigueira e, despois de percorrer uns 6,5 Km, colleremos o desvío cara a parroquia de san Mamede de Somede, concretamente iremos ata o lugar da Aldea de Arriba.

Ao pasar as últimas casas teremos que fixarnos moi ben para ver unha frecha pintada nunha pedra que nos indica o camiño a seguir para chegar ás fervenzas. Baixaremos ata o río Somede ou rego dos Campos e continuaremos pola súa beira para ir atopando, ao longo do noso percorrido, diferentes muíños e saltos de auga.