Esta fervenza atópase no PR-G 14 Ruta do río Loio, que comeza xunto ao parque infantil da Ruxidoira, en Paradela, e remata na ponte que hai xunto á foz do Loio.

Ao longo desta ruta lineal, de case sete quilómetros de percorrido, atravesaremos zonas de vexetación autóctona e veremos algúns muíños restaurados e varios saltos de auga. O mais destacado deles é a fervenza da Ruxidoira, de 8 m de altura, que está a 600 metros camiñando dende o comezo da ruta..