Na Parroquia de Burgueira (Oia), na Comarca do Baixo Miño, atopamos unha ruta circular de pouco máis dun quilómetro que discorre á beira do río Tamuxe, tamén chamado río Carballas.

O paseo parte dende área recreativa do Pozo do Arco, unha zona de piñeiros con bancos e merendeiro. Un pouco máis abaixo atopamos unha ponte de madeira pola que cruzar o río e dende a que poderemos ver a fervenza dende arriba. 

Durante o percorrido podemos observar como o río descende formando rápidos e pequenos saltos de auga que dan lugar a pozad ou piscinas naturales con profundidade suficiente como para poder darnos un baño nos días de máis calor.