O regato do Faxón é un afluente do río Avia, que cae nel dende os montes de Pena Corneira e que forma dous saltos de auga independentes. Para chegar á segunda fervenza hai que ir ata a oficina de correos de Leiro e continuar o camiño uns 50 metros, onde se colle un desvío asfaltado á dereita que vai aos lugares de Eira dos Mouros e Rubial. A fervenza atópase á dereita de onde se cruza o río.