Para chegar a esta fervenza iremos en primeiro lugar ata Silleda e, dende alí, colleremos a estrada PO-2205 para continuar despois pola EP-7201 en dirección ao lugar de Santa Mariña, na parroquia de Graba. Non hai perda porque atoparemos numerosos sinais que nos indican o camiño.

Unha vez no núcleo de Santa Mariña deixaremos o coche e seguiremos a pé, durante 800 metros, ata chegar a un miradoiro de madeira dende o que desfrutar desta fervenza que cae, en varios saltos, dende uns 30 metros de altura.

.