Saíndo de O Covelo, en dirección a Vigo e Mondariz, pasaremos o río e xusto despois tomaremos á dereita unha estradiña que leva á parte baixa da ruta, a carón duns muíños, entre un bosque de ribeira con salgueiros e freixos. Remontando o río 100 m chégase ao salto. Esta fervenza atopámola no Regueiro de Coveliño, que é un afluente do Tea. Neste punto forma un pequeno salto duns 5 m. O acceso non está sinalizado.