Na parroquia de Santa Mariña de Covelo, entre as parroquias do Mangón e Pazos, no concello de Covelo, atopamos esta fervenza, na estrada PO-261 nada máis cruzar o río. O rego Ponte Piñeiro é afluente do Tea, e ao seu paso polo concello de Covelo forma unha fervenza de máis de 25 m. Unha parte vese na marxe dereita da estrada e río abaixo, por debaixo da ponte e da estrada, hai varios saltos máis.