Desde Soutomaior collemos a estrada que vai a Ponte Caldelas e a 3 km desvíamonos ao lugar de  Aranza. Aquí hai que subir ata a Rúa Nova, na parte alta, desde onde se ve o canón do río Oitavén. Tomaremos o carreiro estreito que baixa cara a un muíño, onde atoparemos a primeira das fervenzas. Augas abaixo hai saltos sucesivos de 5 m e varias pozas. O río Oitavén por esta zona discorre cun gran caudal. Hai que ter moita precaución pois a ruta ten tramos moi esvaradíos. Non está sinalizada.