Pola estrada C‐4803, unha vez pasada a Praia Grande de Miño en dirección a Pontedeume, tomamos a Avenida de Xarío que dá entrada á urbanización Costa Miño e, tras 500 m, atopamos o punto de acceso ao espazo natural Fraga do Xarío, dende o cal podemos acompañar a este río augas arriba durante 3 km ata o cruce do mesmo co Camiño Inglés, seguindo una senda peonil apta para a cativada e dende a que podemos observar varias fervenzas e saltos de auga de distinta intensidade.