Vila con vivendas e construcións anexas (celeiros, cortes) de cachotaría luosenta. As casas teñen balconadas de madeira orientadas cara ao oeste. Na aldea atópase a casa natal do Poeta Uxío Novoneyra, sede da fundación Uxío Novoneyra e que se pode visitar. Abundante vexetación rodea a aldea, sendo numerosos os castiñeiros. O Souto da Rubial entrou recentemente no Catálogo de Árbores Senlleiras de Galicia.