Construción orixinal de época románica, pero sofre importantes reformas posteriores. Ten unha nave de planta rectangular, muros encalados, cuberta a dúas e tres augas e tellado de tella. A fachada ten unha porta rematada por arcos de medio punto abucinados e unha ventá rectangular. Sancristía pegada a un dos laterais da nave. Espadana de dous corpos, con tres vans e dous arcos de medio punto sobre machóns. Ten un retablo neoclásico de 1805 no interior.