Construída no s. XVIII. Ten unha nave de planta rectangular, muros revestidos e cuberta a catro augas con tellado de tella. A fachada, de cantería, ten unha porta alintelada enmarcada por unha fornela coa imaxe do Patrón e unha ventá. Hai un voladizo decorado con bólas e balaústres. Sancristía pegada ao presbiterio. Espadana de tres vans rematada por un frontón triangular e pináculos. Ten un retablo neoclásico, realizado polo escultor Francisco Castro Agudín, con imaxes no interior.