Templo moderno de planta rectangular con cuberta de tella a dúas augas. O volume da nave central sobresae por riba das laterais o cal permite a abertura de ocos. Na entrada atópase un pórtico cuberto e a fachada principal remata nun campanario de planta cadrada e dous niveis rematado con cruz simple. O retablo maior é neoclásico e as esculturas do templo datan dos séculos XVIII e XIX.