Monumento renacentista construído no 1519. Dunha soa nave con cabeceira semicircular e anexo lateral esquerdo e saeteira no mesmo lado. Construída en cachotería e morteiro de cal e cuberta a dúas augas en lousa. Fachada de granito coroada por unha cruz e portada de arco de medio punto con porta de forxa e cristal.

No interior, retablo neoclásico de dous corpos con tres vans no inferior e un no superior. Imaxes de San Roque, San Xosé e Sagrado Corazón.

Conserva dúas lápidas de enterramento de curas de Meira, de 1904 e 1945. 

Accédese por medio do cemiterio parroquial do mesmo nome que a capela.