Templo moderno situado no núcleo de Eirexe. O retablo maior presenta unha imaxe de Santa Baia moderna. Consérvase dun retablo do templo anterior un fragmento coa porta do sagrario e unha fornela superior de estilo rococó. Tamén se atopa no templo un óleo que representa o triunfo de Santa Baia probablemente do século XVII e procedente quizais dun retablo anterior. Sobre o lintel da porta principal atópase un escudo abacial con báculo e catro cruces.