A igrexa, de estilo barroco, conta cunha pequena torre cunha balaustrada no campanario. No tímpano, atópase a imaxe do santo, sendo a parte máis rechamante de toda a decoración coa que conta o templo. No interior, atópase o baldaquino, tamén barroco, restaurado recentemente. O seu aspecto e conservación son moi bos. O Santuario está documentado dende o 1711, e pode que contara no seu día cun anaco da cruz de Cristo, xa que hai documentos polos que se lle conceden días de indulxencia para venerala.