Cruceiro de tipo de Crucifixo sen plataforma e cun pedestal cúbico achafranado. Ten unha vara circular que leva un capitel toscano. A cruz é cuadrangular cos brazos achafranados. Polo anverso da cruz presenta a Cristo Crucificado con tres cravos e as mans pechadas. Inclina a cabeza cara á dereita cunha coroa de espiñas e un pergamiño coas siglas INRI. O pano de pureza vai suxeito cunha corda. Polo reverso da cruz fica a Virxe do Carme que rescata da tempestade a un náufrago. O cruceiro é todo de granito.