Edificio situado no casco histórico da vila de Betanzos, construído no século XVII. Presenta unha planta cadrada cun pequeno claustro interior. Foi fundado por Antonio Sánchez de Taibo, co obxectivo de albergar os habitantes de Betanzos e os peregrinos do Camiño Inglés a Santiago de Compostela. As numerosas reformas sufridas polo edificio fan que só conserve da fábrica orixinal un sinxelo claustro, así como o arco e as escaleiras de acceso á planta alta. Na actualidade alberga os xulgados de Betanzos.