Igrexa, sen estilo definido, do século XVI. Presenta unha planta rectangular onde se desenvolve unha soa nave. No interior o espazo intermedio entre o presbiterio e a nave está delimitado por un arco triunfal. No exterior presenta un interesante xogo volumétrico, destacando a pureza dos distintos corpos. Na fachada principal a porta de acceso mostra un arco de medio punto, con grandes doelas e impostas en resalte, e un pequeno escudo que dá paso a unha ventá. A cornixa serve de base a un singular campanario, que actúa como segundo corpo no pano de fachada.