O río Agro é un afluente do río Limia que discorre entre os montes do Quinxo e Queguas. Ten un percorrido moi curto con varias zonas de rápidos e pequenas fervenzas.

Para velas podemos seguir a Ruta do río Agro, que comeza e remata no lugar da Terrachá, no concello de Entrimo. O percorrido completo é de 14 quilómetros, pero se non queremos camiñar tanto podemos comezar a ruta polo final e avanzar en sentido contrario ata as fervenzas, facendo un treito de 3,5 km (ida e volta).