As fervenzas do Escavadoiro atópanse no río Xares, que nace na serra do Eixe. Para chegar a elas percorreremos unha ruta que segue o río Xares polo fondo do val glaciar. Ese percorrido discorre íntegramente polo LIC Pena Trevinca e parte dende o lugar da Ponte en dirección ao Alto do Fial, dende onde teremos vistas panorámicas da lagoa da Serpe e do val do Bibei. Dende o cumio descenderemos ata a lagoa para seguir o camiño que rodea A Troitada e O Turreiro e chegar así aos chozos do Escavadoiro, onde atoparemos os saltos de auga.