A través de paneis explicativos e de obxectos mariñeiros describen a evolución histórica da pesca no porto e vila de Caión.

O Arquivo da Pesca de Caión é un museo etnográfico, promovido pola confraría de pescadores desta vila, que forma parte da Rede de Espazos  Museísticos Atlánticos (REMA). A planta baixa do edificio da confraría acolle este espazo expositivo que, co seu discurso narrativo, nos leva a facer un percorrido pola historia mariñeira e a tradición pesqueira da localidade de Caión.