O xacemento arqueolóxico de Forno dos Mouros sitúase no alto da Serra da Coriscada. Trátase dunha necrópole neolítica composta por nove túmulos, dos cales dous foron excavados e recuperados para a súa visita. 

O túmulo nº 5 albergaba unha cámara megalítica datada no 4.400 antes de C. Esta cámara foi trasladada ao Museo Ortegalia, onde estivo exposta ata o seu peche, e onde se atopa actualmente. O motivo do seu traslado veu condicionado pola imposibilidade de expoñela in situ cunhas condicións de preservación mínimas e, sobre todo, polo feito de que durante certo tempo esta funcionou exenta.