Capela barroca, de tipoloxía rural. Simple e sobria, presenta unha sinxela planta rectangular cunha soa nave. A fachada principal concentra a escasa decoración. Destaca a fornela cunha escultura do neno Xesús.

Na inscrición na clave da porta pódese ler:  ALABADOSEA / ELDULZM Nro / DEIHS / AÑO / DE 1771. Destacan na súa fachada as pedras de cantería aos lados cun frontón semicircular sen cornixa. A nave ten a porta orientada ao oeste. A sancristía está situada baixo o altar.