O Hotel Punta Seame é un acolledor e familiar aloxamento, situado na vila mariñeira de Portonovo (Sanxenxo). Dispón de 18 habitacións en dúas plantas, sen ascensor. Atópase a só 120 metros da praia de Canelas e a 5 minutos en coche do centro de Sanxenxo. O centro de Portonovo está a 10 minutos a pé, onde hai unha gran variedade de restaurantes, bares, tendas e outros servizos. Dende o porto pódense coller barcos que fan excursións marítimas moi atractivas, como visitar as Illas Cíes ou as Illas Ons.