O templo é do século XVI e sitúase no núcleo de Santa Lucía. Ten nave rectangular con cuberta a dúas augas, capela maior a catro vertentes e sancristía acaroada ao alzado sur do presbiterio. A porta principal é de arco con doelas e sobre ela atópase unha espadana de dous vans. O retablo maior, de boa factura, presenta tres rúas e un piso. Nel destaca a escultura de Santa Lucía do século XVII.