Casa Indiana: estilo arquitectónico: Versión decorativista da casa autóctona.

O promotor desta vivenda é Manuel López, quen a constrúe en 1926 ao seu regreso de Cuba.
De planta rectangular con dúas alturas e espazo baixo cuberta con iluminación lateral, na planta alta sitúanse os miradoiros que flanquean un balcón situado no centro sobre a porta de acceso; os miradoiros son de agradable deseño, destacando o tellado que os coroa.

O balcón posúe unha balaustrada de sinxelas pezas torneadas. O arco sobre o oco está decorado cunha grilanda cunha máscara na clave. Próximo á porta sitúase un banco de fábrica adornado con motivos de decoración floral: o modernismo de principios de século está presente.