Casa Indiana, construída en 1928.

 

Trátase dun edificio de planta baixa, alta e baixo cuberta. A fachada principal responde o canon clásico de tres ocos por planta, ventás abaixo, balcóns arriba. O volume baixo cuberta está representado por unha bufarda que chega ao pano da fachada.

 

Destacan a entrada entre dúas pseudopilastras de esquemática orde xónica, os voluminosos recercados das ventás do baixo, as balaustradas, a cornixa sostida por abundantes ménsulas e o abarrotado fronte-frontón da bufarda. Todo dentro do máis puro estilo ecléctico de corenta anos antes da construción. Destaca tamén a galería nun lateral da vivenda.