Esta casa de aldea de tres séculos representa fielmente a tradición galega.. O Forno de Catuxa compendia a maxia da Galicia de antano co confort e sustentabilidade  que agradecen os viaxeiros de hoxe. A factura tradicional de cada espazo perfecciónase co culto á arte, á artesanía, á beleza ... Cada recuncho está pensado para o goce, para a sorpresa, para o descanso.... Madeira, pizarra, e granito, materiais nobres que presiden cada peza. E ó seu carón, o legado orixinal de épocas pasadas, mimado e protexido como voceiro real da nosa historia. Somos parte desta terra xenerosa, aquí afúndense as  nosas raíces e sobre elas construímos un lugar singular, con alma e personalidade. Reivindicamos e  recuperamos cada anaco da nosa herdanza agraria: as manxadoiras das vacas, as gamalleiras do pote ennegrecido na lareira, os respiradoiros das fachadas de granito, as ferramentas que abríron os campos fértiles e as que completaban a tarefa na eira, logo da recolección da colleita.