Construída no s. XVIII, de estilo Barroco. Ten unha nave de planta de cruz latina cunha capela maior cuadrangular. No punto de unión da nave coa capela maior destacan dúas capelas que forman o brazo do cruceiro. A sancristía está pegada ao brazo norte do presbiterio. A capela maior, de cantería, cóbrese cunha cúpula de media laranxa sobre pendentes que permiten pasar da sección cadrada do presbiterio á circular da bóveda. Un gran arco triunfal separa este espazo litúrxico da nave, cunha pequena tribuna de madeira aos seus pés. A torre das campás posúe dous corpos, o primeiro formado polas campás e o segundo por unha pequena cúpula rematada en pináculo. A decoración é a base de placas seguindo a tipoloxía do campanario compostelán de San Fiz de Solovio. As fornelas rematadas cunha vieira fan que esta sexa unha igrexa diferente ás da zona.