A planta da igrexa de San Salvador é dunha soa nave con capelas laterais, cruceiro, capela maior con sacristía apegada e unha capela lateral á esquerda, que racha a harmonía do edificio. O estilo é barroco popular, posiblemente do século XVII. O crego e licenciado Pedro Tenreiro funda a capela de San Pedro en 1669. A do Santo Cristo fúndase en 1760. O retablo do altar maior foi realizado polo escultor Manuel Fernández de Ferrol, en 1857.