Igrexa dunha soa nave dividida en cruceiro transversal, perfectamente marcada polos contrafortes exteriores. Está cuberta por teitume de madeira a dúas augas e montada sobre arcos faixóns de medio punto. Na fachada principal destaca o portalón de arco de medio punto sobre pilastra, que soporta o cornixamento sobre o frontón e un pequeno óculo sobre o frontispicio. No lado dereito, unha torre campanario de estilo barroco, con dous pisos, remata en pináculo e cruz de ferro. No circundado da igrexa está o cemiterio parroquial, ao que se accede a través dunhas escalinatas.