A casa rural "María Bargiela" sitúase na parroquia de Porto, concello de Salvaterra de Miño un lugar dominante e tranquilo preto do río Miño. A 15 minutos de Tui e Valença de Miño e a media hora de Vigo.

É unha casa tradicional galega de cachotaría que data do século XVIII. A planta baixa está adicada a adega, onde se conservan dous antigos lagares de pedra e onde elaboran o seu propio  viño.

A casa alúgase completa con capacidade para grupos de 6 a 10 persoas e componse de:
- Tres habitacións dobres con baño
- Unha habitación cuádrupla con baño e sala de estar.
- Un salón comedor con cheminea, un aseo con lavadora.
- Unha ampla cociña completamente equipada (cafetera, microondas, forno, frigorífico, lavalouzas, etc.).

Anexa á casa atópanse un antigo forno de pan, un vertedoiro de pedra e unha lareira usada como barbacoa. Tamén podemos ver unha fermosa fonte (por debaixo do nivel do terreo, á que se accede descendendo unha empinada escaleira), un canastro de pedra e un antigo lavadoiro reformado coma unha piscina natural enchida coa auga da fonte.