O arquitecto Antonio Palacios Ramilo constrúe este Pavillón de Recreo Artístico e Industrial para a Exposición Rexional de 1909, dentro das directrices da arquitectura finisecular, na que asoma un incipiente modernismo. Presenta unha planta rectangular, rematada en cadanseus miradoiros semicirculares nos lados máis estreitos e fachadas de amplas ventás, presidindo a principal unha dobre escaleira de trazado elíptico. Decoración de vasos e grilandas.