Esta antiga casa de labranza convertida en establecemento de turismo rural, empezouse a restaurar en 2006. Sufriu ao longo da historia numerosas modificacións, o que provoca que non se saiba con exactitude a antigüidade da mesma. Na restauración do edificio tívose en conta a esencia rural da casa, para non perder o seu encanto, e mantivéronse características propias do edificio como o forno romano situado no comedor, antiga  carniceira (secador de castañas) da casa. As súas  habitacións están situadas no que outrora foron  palleiros e cortes. Ademais a casa conta con horta ecolóxica e os xardíns que posuía a leira. Todo o complexo está rodeado por un muro de lousa, típico da zona, que achega tranquilidade á propiedade. Na súa aposta pola calidade, as súas 10 habitacións coidadas ao detalle, ofrecen aos seus clientes o máximo confort, converténdoo nunha contorna privilexiada para a práctica do turismo activo e do enoturismo.