Edificio proxectado en 1945 polo arquitecto Francisco Castro Represas que volve ao academicismo dos anos 20-30 eludindo as tendencias racionalistas da época. Presenta un corpo central destacado por columnatas, un torreón e un remate en forma de cúpula moi decorada. Hai que destacar dúas balconadas corridas con balaustrada e un balcón semicircular no corpo torreado a modo de miradoiro e sostido por unha ménsula.