Exemplo de arquitectura relixiosa máis popular que culta, aínda que na súa orixe fose unha construción de templo románico ou contase no pasado cun interesante retablo barroco. Planta rectangular, cunha soa nave e presbiterio. Muros de cachotaría, revogados de branco, agás unha ampla franxa horizontal da fachada principal, onde destaca o arco da porta (de medio punto, con grandes doelas e decoración de bólas). Cuberta a dúas augas. Consérvase a antiga pila bautismal.