Igrexa situada nun dos barrios máis antigos da cidade (Esteiro). Fachada lateral bastante deteriorada, con vans de arcos de medio punto, pequenos contrafortes e dous óculos. Fachada principal coa porta de entrada con elementos decorativos planos (volutas). Óculo central en forma de cruz grega cos vértices semicirculares. Espadana simple, a parte superior con elementos curvos e quebrados no seu vértice por unha cruz. O frontón con predominio de formas curvas. A fachada está enmarcada por perpiaños rematados por dous pináculos de forma ovoide. Cuberta a dúas augas con ondulina e canalizacións externas de material inadecuado.