Capela construída por iniciativa dos pais Mercedarios en 1911, foi realizada por Rodolfo Ucha Piñeiro (1926), polifacético arquitecto ferrolán de principios do XX, utilizando materiais dos talleres Iturriza de Bilbao e da Casa Viúva Bertrand de Barcelona (por exemplo, as vidreiras do coro e a fachada principal). De estilo predominante neogótico, tamén eclético e modernista. Planta rectangular, con nave dividida en tres tramos, o central con bóveda estrelada. Consta de dous corpos ben diferenciados. No primeiro destaca a porta principal, amplamente decorada con motivos vexetais, e o remate cun arco deprimido que se cobixa tras outro conopial, flanqueado polos escudos da Orde da Mercede. No segundo destacan o xogo de elementos decorativos propios do gótico florido e o acabado da parte alta que prolonga a verticalidade.