Unha antiga tradición local, transmitida de xeración en xeración, cóntanos como un bo día a Virxe apareceu milagrosamente nun altar tallado nunha rocha situada no exterior da Capela de A Virxe do Xurés. Un pequeno burato na pedra representa o nicho sagrado desde onde a Virxe ordenou a construcción dun templo, alá no alto, ós veciños de Riocaldo.
A fé nos milagres da Virxe e os indicios atopados, mobilizaron á xente deste lugar para construír unha ermida digna e un importante camiño de acceso, construíndo unha edificación con grandes doses de heroísmo polo difícil de chegar ó lugar elexido.