Un fantástico espazo para achegarse ao mundo da ciencia dende unha perspectiva non só científica, senón tamén artística. Tanto o edificio e a distribución dos diferentes espazos coma os seus contidos sorprenden ao visitante e converten o percorrido nunha actividade lúdica e interactiva. Destacan o simpático espazo dedicado ao “chisme”, “chintófono” e “cachivache”, o espazo cunha posta en escena do primeiro xerador de partículas e do antigo mecanismo de iluminación da Torre de Hércules, e o espazo onde colga a cabina do avión xigante que, coa democracia, trouxo de volta a España o “Guernica” de Picasso. Este museo foi inaugurado en maio 2012 polos Príncipes de Asturias.