A Capela púxose en pé , ao abeiro dos Andrade, no s.XV, sendo una das máis antigas do Concello.Atópase situada nunha contorna rural, é de planta rectangular e no interior a nave principal posúe una bóveda rebaixada. Presbiterio cuberto por una bóveda de cruzaría e delimitado por un arco triunfal con características oxivais apoiado sobre columnas rematadas en capiteis con decoración moi sinxela. A fachada principal é de estilo gótico-renacentista, cun arco conopial no que aperece en relevo un xabarín (escudo de armas dos Andrade, señores feudais). Moi preto deste edificio pódese visitar o cruceiro e a fonte de Santa Margarida, cos canos de Santa Margarida e Santa Lucía.