A Colección de Reloxos atópase no Palacio Municipal da Coruña, edificio proxectado polo arquitecto municipal Pedro Mariño no ano 1904. A primeira planta do edificio, coñecida como Planta Nobre, acolle a Alcaldía, o Salón de Plenos e as coleccións municipais. As coleccións constan de tres conxuntos: a pinacoteca, a colección de marcas prefilatélicas e a que nos ocupa, a de reloxos.