Museo de arte sacra situado na construción monacal a carón da Colexiata do Sar, exemplo singular da arte románica. Gárdanse valiosas pezas históricas como o pergamiño fundacional da Colexiata de 1136 firmado por Diego Xelmírez, ademais de pezas arqueolóxicas e do antigo claustro románico obra do Mestre Mateo. O percorrido do museo faise en cinco salas onde o visitante pode comprender a historia desta comunidade agostiña dende a fundación como priorado ata a súa transformación en colexiata e parroquia da arquidiocese de Santiago. Tamén alberga unha pequena exposición de traxes tradicionais e dos premios conseguidos pola agrupación folclórica “Colexiata do Sar”.