Pazo  do Castro toma o seu nome da vila na que se sitúa, que foi a poboación de maior relevancia na Valdeorras do Medievo. Os últimos moradores  deste pazo  do século  XVII, declarado patrimonio histórico, foron os Marqueses de Esteva das Delicias, título con Grandeza de España, que habitaron a casa-Pazo ata que se converteu no que é na actualidade, un Hotel Monumento de 4 estrelas no que se combinan á perfección o seu pasado rústico e o seu confortable presente. Distinguido coa  Q de calidade, conta cun museo etnográfico e varias coleccións  de gravados, cadros e antigüidades moi vinculadas ao viño. A súa cociña está baseada en produtos de tempada autóctonos, cunha elaboración renovada. Ademais, nas súas instalacións dispón dun spa con tratamentos de  viñoterapia e  olivoterapia, pista de tenis, pádel e  piscina.
Anímate a gozar dunha experiencia única connosco!