O interesante edificio onde está situado foi o antigo Cuartel de Presidiarios coñecido como San Campio, que hoxe alberga este museo e a Biblioteca Naval. Trátase dun centro onde se conservan e expoñen numerosos obxectos notables da Armada. Destacan os restos da célebre fragata “Magdalena” afundida no 1810 na ría de Viveiro. Ademais pódese ver unha colección de variada cartografía con pezas destacables como o “Atlas de Tofiño”. Tamén hai numerosas maquetas de todo tipo de buques e de batallas navais importantes.