O Museo de Terra Santa sitúase nun dos claustros do convento de San Francisco, en Santiago de Compostela. O Claustro da Inmaculada, de principios do século XVII, alberga na súa parte superior unha colección única no mundo. Visitando as salas do Museo, podemos percorrer a historia desde o Paleolítico ata a formación do Estado de Israel a través de utensilios da vida cotiá. A través das súas pezas podemos coñecer baixo diferentes ópticas: -arqueolóxica, artística, social e relixiosa-, a gran variedade de culturas que deixaron pegada en Terra Santa.